🧡🖤 خطأ لا يغتفر 🧡🖤 1
🧡 **~ خَطَأٌ لَا يُغْتَفَر ~** 🖤
“كلُّ خطوةٍ نحو المجهول تحمل احتمالين… إمّا نجاةٌ تُغيّر حياتك، أو خطأٌ لا يُغتفر يُغيّر قدرك إلى الأبد.”
✍🏻 بقلمي: Lam Ar
★ الفصل الأول: خطوة نحو المجهول….
━━━━━━━━━━━━━━━
🖤 Part 1 🖤
━━━━━━━━━━━━━━━
وسط مطار محمد الخامس الدولي ... تسمع صوت طيارة خاصة كتهبط بشوية وبثقة، بحال إلا عارفة باللي اللي فيها ماشي أي واحد. وقفات الطيارة وساد صمت تقيل للحظات. تحل الباب ديالها ببطء وخرج هو... خطواتو ثابتة، هادئة ولكن فيها هيبة كتخلع. لابس كحل من راسو حتى لرجليه، ونظارات مخبيين عينيه، ولكن الإحساس اللي خارج منو ما كيحتاجش يتشاف.
الناس اللي كانوا كيتسناو لتحت هبطو راسهم بلا ما يحسو… بحال إلا حضورو كيجبرك تحتارمو... حبس لحظة وتنفس هوا بلادو… ولكن ما كان حتى حنين فملامحو… غير نظرة وحدة دازت على المكان كامل…نظرة باردة وقاسية.. دياال شي واحد كيقلب على حاجة وغادي يلقاها مهما كان الثمن...
واحد من الرجال قرب ليه وقال بصوت منخفض..
الگارد:...مرحبا بيك سيدي ... كلشي واجد...
هو اللي ما جاوبش..من غير انه زاد فخطواتو شوية…. حيت اصلا ما رجعش باش يسمع الترحيب... رجع باش يرجع اللي مشا ليه…ويسوي حساب قديم... حساب بقى محلول لسنين..
تم غادي بخطواتو باتجاه طوموبيلتو…حتال واخد اللحضة واحد من لي گارد غلط فحسابو و قرب منو خطوة زايدة وقال بنبرة فيها شوية تحدي...
الگارد: ...سيدي... خاصنا نتأكدو من— ...
باقي ما كملش كلامو فاش بان ليه هو اللي وقف ...و ما دار حتى حركة كبيرة...حدو حيد النظاظر ديالو بشوييية...وعينيه بانوا لأول مرة..... وبانت منو غير شوفة وحدة... اللي كانت باردة و خاوية....ولكن خطيييرة
الكارد تجمد فبلاصتو، وما بقى عارف واش يكمل ولا يهرب.... دازت غير ثانية...ولكن بحالا عام.... ومن بعد ابتسم ابتسامة خفيفة ما فيها حتى رحمة... وقال بصوت هادئ....
هو:.... فيك الزعامة بزاااف مع كر//ك ...
دار إشارة صغيرة بيدو...وفنفس اللحظة تش/د الكارد من وراه وتج//ر بطريقة صامتة.... بحال إلا ما كانش هنا اصلا....
..فديك اللحظة حتى واحد ما هضر... حتى واحد ما تحرك...حيت كلشي فهم بلا ما يحتاج يشرح..... هو ما تبدلش...ولكن ولى أخطر...
رجع لبس نظاظرو وكمل طريقو وكأن حتى حاجة ما وقعات....
واحد من الگارد همس ليه وهو كيقفقف : Boss ...واش نبداو..
وقف لحظة...وابتسم نفس الابتسامة الباردة...وقال
.....: بداو...
و تمشى وهو خارج من المطار باتجاه طوموبيلتو...مخلي موراه سميتو اللي كانت كتهمس بين الناس بخوف... ماشي غير احترام:
"غالي الصقر "…السمية اللي ما كتقالش بصوت عالي الى كنتي باغي تبقا ح/ي
فجهة اخرى ولكن فنفس المدينة و بالضبط وسط واحد الشقة عادية فراشها زوين و نقي فيها صالون مغريبي بلدي بامتياز و سيجور و جوج بيوت و كوزينة،من وسط واحد من دوك جوج بيوت كان كيسمع المعيور و الغوات بالجهد دليل على المطايفة و المناتفة اللي نايضة الداخل ، تسمع صوت بنت كتغوت ؛
ليال : ...طلقي راسك و نتي جالسة تمعشقي ليا مع ايخان ديالك واس غنباتوا هنا !!!!
جاوباتها الثانية بهمس و هي مغددة عليها
أميمة:... سدي عليا ترم//تك راه غيضبر عليا في واحد 2000 درهم و نعيشوا الرفاهية انا وياك هاد السيمانة
ليال سمعات حس الفلوس و تكالمات شوية ... و بعد ما سالات أميمة من ابيل ناضت كتنقز فوق سدادر و كتغوت بالفرحة
أميمة:.... واااع سيفطها سيفطهااا اححح الرفاهية تنادي ودارت شافت ف ليال مكملة كلامها :... احح قوليا اش حبت خاطرك احبيي سرتلة مضمة حوالق ؟؟
ليال ضحكات و شافت فيها :.... ذهب ولا نقرة
أميمة بطنز : ....ويلي على نقرة واش هاد الزين كامل لي فيك و نشري ليك نقرة لا لا احبيبة نشري لختي أحسن ما خرج ف جالوق هههه
ليال وهي مخسرة سيفتها :.... نزلي تقو//ودي قبل ما تهرسي لحياة داك العود دسداري و تجي ته/رس لمك ضلوعك ... و اجي سدي ليا هاد المضمة راها كطرطا كتر منك ..
من بعد شي ساعااااات ديال توجاد و التناتيف كانوا البنات سالاو و خرجو قاصدين طوموبيل باش اتحركوا للعرس اللي كان خاارج المدينة …
🧡 **~ خَطَأٌ لَا يُغْتَفَر ~** 🖤
“كلُّ خطوةٍ نحو المجهول تحمل احتمالين… إمّا نجاةٌ تُغيّر حياتك، أو خطأٌ لا يُغتفر يُغيّر قدرك إلى الأبد.”
✍🏻 بقلمي: Lam Ar
★ الفصل الأول: خطوة نحو المجهول….
━━━━━━━━━━━━━━━
🖤 Part 2🖤
━━━━━━━━━━━━━━━
غادين كيتعتروا ف جلايلهم حتى وقفتهم حياة وهي جايا قاصداهم :...
حياة:...تسناو تسناو ا النويويرات ديالي ... هاكوا خشيو هاذا في صدركم ....(كانت كموسة صغييرة)
ليال :.. اش هادشي ا ميي ..
حياة:.. شوية الملحة الحية ابنتي على قبل العين
أميمة كتمرگن ب جداها :... و الا كان على قبل العين زيديني انا شوية
ليال :... ايه و ستفينا فشي صندوق بياض و بيعينا ب 15 درهم الكيلو
أميمة جاوبت ليال : ...ترم//تك تجيب كثر ههه
ليال بفقصة :...قزي//بتي عنعلق فيها صفيحة ديال حمار و نكتب فيها أميمة بعدي من ترم//تي هالعار
أميمة تكرشخات بضحك و دارت عند جداها :... حياة تهلاي بيزو بيزو
خرجوا من بعد ما باسوا لجداهم على راسها و مشاو كيتصوروا قدام المرايا اللي فالدروج …
باقين كيتپوزاو قدام المرايا دازوا ثلاثة الجارات من حداهم و بداو اتغمزوا بيناتهم....
الجارة 1 :... اجي واش هادي ماشي هي حفيدة لالة حياة اللي قالك هرب عليها الراجل نهار العرس
الجارة 2 :... اييييه هي يا ختي الزييين و الفورمة و فاللخر جمع ليها حب و تبن و زاد خلفة ههه
الجارة 3 :... والله الا هو لي صدقات ليه خدا اللي بغا منها و ساسها لا ريال جوج
وبقاو كلمة مني كلمة منك كينهشوا فعرض بنت اللي ما عندها حتى ذنب غير أنها عطات ثقة لذكر و فالمقابل جازاها بالخذلان ...بنت اللي حطماتها الدنيا فليلة كانت خاصها تكون ليلة العمر و ليلة اللي مكتنساش و فعلا كانت ليلة مكتنساش ليلة اللي بقات تابعاها حياتها كاملة مور ما خلاتها تلبس لقب ما كان كانش عندها فيه ذنب ....
بقات واقفة قدام المرايا كتسمع لكلامهم الي كيدخل لقلبها بحال شي سيف مسموووم و هي غااارقة في تفكيرها أميمة حسات بيها مزيرة ولكن ما باغاش تبين و حاولات تدارك الموقف ..
أميمة :... أبونو ابونو كلا يحضي طبو...نوو
الجارات غير سمعوها صقلو و كلا وحدا فيهم دخلات لدارها و سدات بابها و خلاو البنات باقين واقفين لتحت ..
أميمة: ...ليال حبيبتي ما تديهاش فيهم راه غا—
ليال قاطعاتها وهي مبتاسمة :... فحالا رطابيتي لا هههه نتي فعار الله احنينتي
أميمة :... كيسحاب لي تقلقتي اوووف خلعتيني تا قلت العرسس مشا فخبر كان ...
ليال : ...ههههه ومن امتا هدرة القوا//دات كتأثر فيا .... زيدي زيدي
و داكشي لكان مشاو قاصدين الطوموبيل باش اتحركوا لوجهتهم…
...نرجعو عند غالي الصقر اللي منين خرج من المطار طلع مباشرة لواحد الطوموبيل كحلة كانت كتسناه… وركب بلا ما يهضر.... وزادت مع الطريق..
من بعد طرييييق طويلة..كان دخل وسط واحد الغابة لي جات خارجة و بعيدة بزااف على المدينة.
تسمع فران سييك قدام واحد الگاراج اللي كان جا وسط ديك الغابة.. ونزل هو بكل هيبة و شموخ مشا قاصد الباب ..
دخل و دور عينيه على البلاصة .. كان گاراج مهجور فيه شوية ديال الضو اللي داخل من بين الشقوق اللي كاينين ف حيوطو... كلو عامر عشاش ديال رتيلة و سراق الزيت و فيران قد سخط ربي ... ريحة الحديد المصدي و زيت ديال الطوموبيلات كتخنق..
الوسط كانت كتبان واحد البنت شعرها كلوا فازگ و وجها عامر كد//مات ، نيفها كيسيل بالد//م و يديها و وجليها لي مبقاتش كتحس بيهم بفعل البرد و الطريقة لي كانو مرب//وطين بها مع حديدة كلها عامرة صدا ....
كانوا ضايرين بيها جوج ديال الرجال و بنت اللي غتكون غالبا فنفس عمرها …. و مع دخل هو دارو كاملين ملافتين جيهتو ..:
عصام كان اللول، واقف، مكيبانش عليه بزاف ديال الحركة، ولكن عينيه قاصحين ، طويل و عريض و كتبان فيه صحيح بزاف تكون عندو ديك 34 عام.. لابس قميجة بيضة محلولة من جهة الصدر و سروال في الكحل .. يدو كانت كيبان فيها واحد الوشم على شكل صقر...
🧡 **~ خَطَأٌ لَا يُغْتَفَر ~** 🖤
“كلُّ خطوةٍ نحو المجهول تحمل احتمالين… إمّا نجاةٌ تُغيّر حياتك، أو خطأٌ لا يُغتفر يُغيّر قدرك إلى الأبد.”
✍🏻 بقلمي: Lam Ar
★ الفصل الأول: خطوة نحو المجهول….
━━━━━━━━━━━━━━━
🖤 Part 3🖤
━━━━━━━━━━━━━━━
ضار شاف فخوه اللي داخل واللي 15 عام هادي ما شافوا..... ولكن نطق ببرود فحالا يلاه كان معاه البارح ..
عصام : ..... تعطلتي .....
غالي جاوب : المهم جييت ..
البنت اللي كانت معاهم واللي كانت سميتها مريم قربات ليه.. وقفات قدامو.. شافت فيه مزيان.. ومن بعد قالت بنبرة باكية:
مريم : .... خويا.... توحشتك…
هو ما جاوبهاش .. حدو حط يدو على كتفها و جرها عندو معنقها ...
مريم تكات على صدرو و غمضات عينيها و هي كتحس بواحد الراحة كبيييرة ...
قاطعهم الشخص الثالث اللي كان معاهم ..:
أمين ضرب ليه على كتفو : .. العشير على سلامتك ...كلشي واجد …
غالي : .. فين هي ..
رجع أمين خطوة للجنب حتى بانت قدامهم البنت .. وجهها كان باين فيه العيا و العذ//اب اللي دوزاتو وسط هاد الگاراج ولكن عينيها كان باقي فيهم واحد التحدي ... غير حسات بيه قدامها طلعات فيه عينيها و نطقات :
زكية : Falco (الصقر بالاطالية)... و بدات تضحك بهيستيريا و كتغوت : ما عندي ما نقول ... مااا عنندييي مااا نقوول ..
هو هبط عنهدها..جاوبها بصوت خافت ولكن كيخلع ..:
غالي : ...غادا تقولي .. فاش غادي نبغيك انا تقولي ..
هي زادت خرجات فيه عينيها :
زكية: ... واخا نعرف نم//وت ..ما غاديش نخليك تعرف ..
غالي دار شبه ابتسامة و جاوبها :... عندي ليك واحد الضيف عزييييز على قلبي ههه .....و ناض وقف و وجه كلامو لخوتو :
... تحركوا قدامي
داكشي لي كان زادو كاملين خارجين من تما فاتجاه قصر عائلة الصقر .
أما هو كان ضور روايض طوموبيلتوا غادي مكسيري بأقصى سرعة عندو .
.... على نفس الطريق اللي كانوا فيها طوموبيلات ديال عائلة الصقر كان دايزة في الاتجاه المعاكس كانت دايزة طوموبيل اخرى من نوع Alfa Romeo كان وسط منها الأنسات ديالنا ، دارو كيشوفو بدهشة في هاد السرب اللي دايز من حداهم ..
أميمة: بشششششاااخ الحدييد ..... يا ربي ما بغيت والو بغيت من الدنيا غا شارف لباس عليه تكون باقا ليه قسم ويم//وت ....
ليال : ههه كتحلمي باللوان
أميمة: اه نسييت
ليال : شنو !!!
أميمة : ويكون عاگر ...
ليال : هههه هاد الهوتات فاقو ليهم بكري ... فاش كنتي باقا ف قلا//** باك
أميمة ضحكات و بقاو غادين مكملين طريقهم ، شوية بدات أميمة كتغوت ثاني :
🧡 **~ خَطَأٌ لَا يُغْتَفَر ~** 🖤
“كلُّ خطوةٍ نحو المجهول تحمل احتمالين… إمّا نجاةٌ تُغيّر حياتك، أو خطأٌ لا يُغتفر يُغيّر قدرك إلى الأبد.”
✍🏻 بقلمي: Lam Ar
★ الفصل الأول: خطوة نحو المجهول….
━━━━━━━━━━━━━━━
🖤 Part 4🖤
━━━━━━━━━━━━━━━
أميمة: وقفييييييييي وقفيييييييي !! اهه اه اه اي
ليال : مال م/وك الخ/رية خلعتيني !!
أميمة : وقفي الكل/بة راه غنبول في حوايجي !
ليال : مريضة في قزي//بتك لا ! نوقف لك فهاد الخلا وسط الغابة باش يلاه اشدنا شي موكلي هنا !
أميمة : وقفي ولا نطلقها لك هنا !
ليال: لا بغيتي نقط/عوا لمك من الجدر ديريها
أميمة : وقفييييييييي ! الله انعلك الكلبة
ليال شدات فران ديال طوموبيل و دارت عندها مفقوصة ..و نطقات..
ليال:… هبطي و طلقينا ! گنس بوال تفووو…
أميمة: و صافي نتي عارفاني منقدرش نحبسها و زايدون شربت الما بزاف ...
ليال جوباتها مغزفة : ..بقرة ..
أميمة بقات جالسة كتبرقق فيها عينيها..
ليال : شنو !! .... لااا ... لا ا اميمة متكوليش بلتي هنا !!
أميمة : لا اويلي اصحبتي !!! حماقيتي لا !
ليال : ايه و مالك !!
أميمة : هبطي معايا عافاك انخاف المييمة ديالك
ليال : أووووف على خرية ! مغنوصلوا لهاد العرس تايكون العريس تقب العروسة و الناس كيغنيو "" عافا خويا عافاه ساعة و ربع داه ~~~تبارك الله على خونا طرطق البوشونة ~~~""
أميمة: ..و ااااااا خلااااص المررررض…
ليال : واخا هزي بعدا قفطانك البوالة
هبطوا البنات و بحكم كان البرد بزاف قرروا ايدخلوا شوية لداخل بين الأشجار باش الأنسة أميمة ميضربهاش البرد و فعلا دخلوا و قضات حاجتها أميمة و لكن و هوما راجعين سمعوا صوت الغوات مجهد جاي من واحد الگاراج لي كان كيبان مور داك الشجر .. البنات جمد ليهم الما ف الركابي !
ليال : اااا ارسول الله!!! واش سمعتي لي سمعت
أميمة : أويلي صوت بنت صوت بنت اصحبتي
ليال بتوتر : تبعيني تبعيني
أميمة: مريضة لا
ليال : واش مكتسمعيش صوت بنت اجي نشوفوا اش واقع ...
بقاو البنات كيتناگرو أميمة لي باغا ترجع فحالها حينت خايفة و ليال لي ما عطاهاش خاطرها تخلي بنت و خصوصا كانت كتغوت " عتقووونييي.....واش كاين شي واحد هنا " فالأخير قرروا انهم غادي اعاونوها لأن بحكم انها كتغوت يعني راها بوحدها !! و مشاو متوجهين جيهة الگاراج لي جاي منو الصوت و ياريت متبعوش فلسفتهم و فهاامتهم لي غتخرج عليهم !
ليال : دخلي نتي لولة !!
أميمة: صافي مشات لك الزعامة ا جاكيشان ؟
ليال : ندخلوا قد قد ؟
و داكشي لي كان دخلوا قد قد حتى كيتصدموا البنات من اللي كيشوفوه قدامهم كانت بنت كاملة مض//روبة لدرجة ملامحها مشاو من كثرة الض//رب
هزات راسها شافت فيهم و هي تنطق :
زكية :عافاكم خرجوني من هنا قبل ما يجيوا عافاكم
🧡 **~ خَطَأٌ لَا يُغْتَفَر ~** 🖤
“كلُّ خطوةٍ نحو المجهول تحمل احتمالين… إمّا نجاةٌ تُغيّر حياتك، أو خطأٌ لا يُغتفر يُغيّر قدرك إلى الأبد.”
✍🏻 بقلمي: Lam Ar
★ الفصل الأول: خطوة نحو المجهول….
━━━━━━━━━━━━━━━
🖤 Part 5🖤
━━━━━━━━━━━━━━━
شافو البنات فبعضياتهم و مشاو جيهتها باش ايحاولوا افكوها و هوما كيدويو معاها باش تبقا فايقة …
ليال : ختي مالك اشً وصلك هنا
زكية : غير عاونوني نخرج قبل ما يجيو عافاكم
أميمة شافت ف ليال لي كانت باغا تزيد تسولها و نطقات :
اميمة:…المحقق كونان سد خرزتك وعاوني نخرجو البنت من هنا راه غتم//وت
..هزوها لبنات مخرجينها حتي كيتصدموا من صوت فران ديال طوموبيل ليتسمع مجهد قدام الگاراج و وقفوا مشوكين و هما كيشوفوا فذاك الشخص لي واقف قدامهم و ف إدوا س//لاح موجه ناحيتهم .
FLASHBACK~ : قبل 30 دقيقة
كان أمين غادي في طوموبيلتو من نوع Porsche Panamera غادي كيتسابق مع الريح ، حتى تفكر بلي نسا ما صوناش لحبيبة قلبو اللي قال مع راسو غتكون مشطونة عليه حينت راه نهار كامل مهدروش ...
دور راسو اقلب على تيليفونو ولكن ما لقاهش.....
شوية دارت فراسو ططرن ... زفر و غوت و هو كيخاطب راسو
امين :ohhhhh shiiiiit ! !!!!!
وضار معوج روايضو راجع لجيهة الغابة .. حينت كان تفكر بلي نساه محطوط فوق واحد الصنادق كانو محطوطين وسط داك الگاراج ...
وداكشي لي كان .. وصل للقدام الغابة و بانت ليه طوموبيل مبلاصية تما فجنب ولكن مكان فيها حد ...و ديك ساعة شك بلي هادوا شي وحدين جايين إعاونوا ختنا ... و كإحتياط منو هز معاه س//لاحو فيدو وهبط بكل حذر قاصد الگاراج ..
و فعلا كيفما توقع .... كانوا جوج بنات الداخل اللي كيفكوا زكية باش تهرب...
نطق و هو ساخط : قحااااا//****
ودخل قاصدهم ومن ملاميحو باين بلي مناويش على الخير
End of flashback~
البنات واقفين مصدومين قدام أمين لي معرفوه منين نزل عليهم
ليال و أميمة قربوا احطوها ف حوايجهم يلاه غادي تهدر أميمة حتى بدا أمين كيغوت
أمين : هبطووووووو للأرض ولا بربي تا نت//كيكم هنا
و داكشي لي كان نزلو البنات للأرض و هما كيقفقفوا بالخلعة أما زكية فكانت بقات وراهم دايرة راسها سخفانة ..
أميمة بالخلعة : ويلييي ويليييي على سريوييليي ...
ليال : هااااا لعاار اخوياااا غا هاد المرة ونولي نصلي الفجر و قيام الليل و كاع النوافل غااا هاد المرة و نرجع الكريدي ديال رمضان لي كيتسالني من نهار بلغت
أميمة : والله ما بقيت نبول والله مبقيت نبول …..وتحنات كضرب بين فخاضها وكملت كلامها:….هاك هاك امجبد البلا نتا سبابي نتا سبابي البوال …
أمين مصدوم و فنفس الوقت جابت ليه لضحكة گالسة هاك بالاك على سيدي جعفر ديالها بقا كيشوف فيها للحضة سها فيها بنت زوينة بشرتها برونزية حجبان مطراسين فورمة فرنسية بامتياز شعر طويل و رطب و لون قهوي فم منفوخ عوينات مجبدين بقا شحال ساعي فجمالها حتا وعا على راسوا و نطق مخاطبهم و عينيه على أميمة…
أمين : جايين تعاونوا القح//** اللي معاكم هانتوما غادي تشاركوها الحفلة
نطقات ليالي بفزع : هانتا اخويا ياك الحرب ك/ر وفر و خود ك/ر أميمة و خلي لينا الفر
أميمة دارت شافت فيها بصدمة و جاوبتها : على مال ك/رك نتي عليه زحام
ليال يلاه بغات تجاوب حتى غوت أمين عليهم بجوج باش اسكتوا ومشى فاتجاه زكية لي باقا دايرة راسها مغمى عليها ، يلاه تحنى باغي ارجع ارب//طها حتى لاحت عليه حفنة نتاع التراب لي كانت جمعاتها في يدها منين كانت دايرة راسها سخفانة
أمين شاد على عينيه و كيغوت : ااااه .... بنات القح//**... غنق//تل دينم//كم …
وبقا شحاال كيغوت وهو كيحاول احل عينيه ولكن ما قادرش
زكية ناضت كتجري فحالا ماشي هي لي من دابا شوية كانت كتصارع الم//وت و دارجت جيهت البنات :
زكية:…شنو كتسناوه انوض احو.//**.... تهزواا
لبنات لي ما فهموا والو ناضوا كيتجاراو تابعين زكية، أميمة كانت هي اللخرة فيهم كانت مور ليال حينت أميمة من النوع اللي الا تخلع كيفشل شوية و كتجيه هيستيريا ديال الضحك.. غادا كتجري ورا ليال وكتشوف ليها فتر//متها و كتهلل و تغوت مخاطباها..
أميمة : بسململ كيتململ بجقلقل كيتقلقل ..
وبقات كتجري و تعاود فيها و تضحك و هاد الحالة طبعا جاتها من الخلعة و الصدمة اللي جاتهم
بقاو كيجريو و قفاطنهم گاع تقطعو بسباب الأغصان ديال الشجر ... بقاو على داك الحال تا وصلو قدام طوموبيل يلاه بغات طلع ليال باش ديماري و هي توقفها زكية وهي موجها ليها س//لاح اللي كانت خداتو من امين فاش عمات ليه عينيه
زكية : طلقي contact ورجعي تكمشي حدا صاحبتك
ليال باقا تحت تاثير الصدمة : اه
زكية: اوووه .. تحركي حطي contact فلأرض
ليال : عفاك راه غا كارياها
زكية طلقات رص//اصة فسما كنوع من التهديد و عاودات نطقات
زكية: لمرة جايا وس/ط مخ/ك
ليال حلقها نشف بالخلعة حطات contact فلارض ورجعات تقنتات حدا أميمة اللي صافي دارتها ف حوايجها من كثرة الخلعة …
..و وقفوا البنات بجوج كيشوفوا فهاد الشيطانة اللي خوراتهم من المزيان وهي غادا هربانة و مخلياهم لمصير مجهول…
ليست هناك تعليقات
إرسال تعليق